Hainbat lanbidetan jarduteko prestakuntza eskaini nahi duten hainbat ikasketa hartzen ditu hezkuntza etapa honek.

Maila ertaineko eta goi-mailako hainbat prestakuntza ziklo biltzen ditu Lanbide Heziketak. Zikloek ikasturte bat edo bi hartzen dituzte, eta bertan ikasleek praktikak egiten dituzte enpresetan (gutxi gorabehera 400 orduz), ikastegian eurenganatutako jakintzak errealitatean erabili ahal izan ditzaten ikasleek.

Merkatuan eskari eta hedadurarik handienak dituzten sektore eta lanbideak jorratzen ditu Txorierri Politeknika Ikastegiaren hezkuntza eskaintzak.