EUSKARA EGUNA - 2008

 

 

Azken urteetako ohiturari jarraituz  otsailaren 15-ean Txorierri-ko  Euskara Eguna  ospatu genuen.

Egunaren hasiera txupinazo batekin egin zen,  gero txokolate bero bat hartuz  futbito finala ikusteko aukera izan genuen.

Borroka bizian 8 eta 2 1MEK-ekoen aurka 1 DPM gailendu zen ;  talde biak kiroldegian utzi zuten  izerdi patsetan  eman ahal zuten guztia.

Ondoren  ikasleek penaltiak eta tripleetan parte hartzeko aukera izan zuten eta hauekin hasi zen ikasgelen arteko lehia, jokoetan ikastalde ugarik parte hartu zuten baina puntuak ihes egiten zuten mailan talde batzuk utzi zioten jokoetan parte hartzeari, eta borrokan jarraitu zuten taldeak hauek ziren: 1 STI, 2 STI, 1SRCA, 2SRCA  2BTA eta 2 BTD.

Puntu gehiago lortzeko txingak, lokotx bilketa  txapel jaurtiketa eta sokatiran izan zuten  parte hartu beharra; era berean museko finalerdiak eta finalak jokatu ziren.

Hamabietan beste joko batzuk egin ziren, lehenengoa ingurumenekoa, eta joko honetan parte hartzaileak  hondakin desberdin batzuk zegokien ontzietan ipini behar zituzten, gero pultsu oreka eta paineluen jokoekin jarraitu zen puxika jokoekin bukatzeko.

Azken frogan ikasleek eta irakasleren batek beraien indarraren erakusketa egiteko aukera izan zuten pultsu lehian. 

Musika ez zen falta goizean zehar eta  eskolako lau ikaslek( Julen, Xabier, Eneko eta Xabier) prestatutako kontzertu txiki baten liluratuta utzi gintuen, bertan espontaneoak ere parte hartu zutelarik.

 Ikastetxeko ekintzei bukaera emateko bi zozketa egin ziren , lehena bi lagunentzako Laia hotelean dastatze menua, honen irabazlea  2srcako Gotzon Madariaga izan zen, gero “100 baietz” en parte hartu zutenen artean zozketan egin zen Elkar Mega dendan 100 eta 50€ erosketak txartelak , honen irabazleak urrenez urren  Endika Velasco(1srca) eta  Ibon Allica (1btd) izan ziren sarituak.

Ikasgelen arteko  lehiako irabazleen sariekin bukatu genuen ikastetxeko ekintzak eta hauek izan ziren: bigarren saritua  2SRCA ikastaldea  eta lehen saria 1STI izan ziren

Arratsaldeko hiruetan bertso bazkaria izan zen Fikako sagardotegian eta bapo jan ondoren Arkaitz Estibalez eta Ibon Ajuriak alaitu zuten giroa, Athletiko jokalariekin sartu ziren bizi bizi eta bertan lan egiten duen Txibi,  emakumeen Athletik-eko taldeko partaidea, be izan zen haien ahotan, gero ikasle eta irakasle batzuk izan ziren bertsolarientzako gaia..

Lerro hauek ezin bukatu ikasle eta irakasleei eskerrak eman barik,denon arteko lanak eraman gaitu  egun hau behar den moduan ospatzera, eta zuek, ikasleok, zuen parte hartzearekin eguna osatu duzue. Bertsolarien aldetik ere zorionak bertso saioan izan zenuen errespetu eta arreta eredugarriagatik.

 Euskara eguneko argazkiak ikusteko: www.flickr.com/photos/txorierri08

 

Jabier Lekerika

HNAT

 
 
     
  Erabiltzaile N.A.N.a
 
  Pasahitza 
 

  Bilatu

  > Ikastaroen Katalogoa
  > Egunkariak
  
> Eguraldia
  
> Bilatzaileak
  
> Itzultzaileak
  
> Software
  
> Web Posta
  
> ...